Този сайт използва "бисквитки" единствено за да се създаде сесия за ползването му!
С използването на този сайт вие се съгласявате с употребата на "бисквитки"!   Разбрах
Православни
будители
„Не в силата е Бог, а в правдата!“ свети Александър Невски. Основната цел на „Будители“ е да помогне за пробуждане на заспалия Български Православен Дух, съхранил българите през робството и подтиснат от лъжеправославното етнофилетическо духовенство, революционерите масони, фашистите, комунистите, либералите, глобалистите и всякакви други партии, разделили народа и слугуващи на юдеите. Един Бог, Една Вяра, един православен цар, единен народ, единна България! Съ Нами Богъ!  Верую
Януари 2021
  • П
  • В
  • С
  • Ч
  • П
  • С
  • Н
  • 28
  • 29
  • 30
  • 31
  • 1
  • 2
  • 3
  • 4
  • 5
  • 6
  • 7
  • 8
  • 9
  • 10
  • 11
  • 12
  • 13
  • 14
  • 15
  • 16
  • 17
  • 18
  • 19
  • 20
  • 21
  • 22
  • 23
  • 24
  • 25
  • 26
  • 27
  • 28
  • 29
  • 30
  • 31
Днес 23 януари е 10 януари 2021 по църковния календар
Голготски кръст

Св. Григорий, епископ Нисийски.Св. Дометиан, епископ Мелитински.Св. преподобни Павел Комелски.Св. преподобни Маркиан Прочетете повече ТУК!


1878г. Български чети влизат в Кюстендил Прочетете повече ТУК!

Търсене в сайта: Търсене на дата в календара:
печат 28.04.2014 г. / 19:01:58 
Вяра
12.05 по еретическия, 29 април по църковния календар - Св. девет мъченици в Кизик. Св. преподобни Мемнон Египетски Чудотворец. Св. мъченици Диодор и дякон Родопиан

imageВ памет на светите девет мъченици, пострадали в Кизик (286-299 г.)

Град Кизик се намира в малоазиатската област Мизия, на брега на пролива на Дарданелите, който отделя Азия от Европа. Той е до града Троада, в който проповядвал свети апостол Павел, учителят на езичниците, и бил просветен в светата християнска вяра от този апостол. Макар градът и да бил просветен със светлината на християнството, отначало в него нямало много християни, поради гонението срещу християнската вяра от езичниците. Когато нечестивите римски императори, управлявали преди Константин Велики, разпращали по всичките страни страшни заповеди - всички, които изповядват Христовото име, да бъдат принуждавани да се поклонят на идолите, и за целта изпращали жестоки хегемони, задължени да наказват по различни начини и да предават на смърт всички, които не се подчиняват на царската заповед. Тогава мнозина от християните бягали от градовете и се скитали по горите и пустините. Други живеели сред езичниците, но криели своята вяра. А онези, които особено горещо обичали своя Бог и Господ Иисус Христос, открито изповядвали Христовото име сред езичниците и охотно отивали на най-различни мъки и смърт. Към тях принадлежат и споменаваните сега девет свети мъченици, доблестни мъже, твърди в светата вяра като планина Сион и горящи от ревност по Бога като Илия. Имената им са: Теогний, Руф, Антипатър, Теостих, Артема, Магн, Теодот, Тавмасий и Филимон.

Св. Теогний Кизически. Фрагмент от икона с избрани светии. Русия. Московски Кремъл. XIX в. Св. Антипатър Кизически. Фрагмент от икона с избрани светии. Русия. Московски Кремъл. XIX в.  

      Св. Теогний и св. Антипатър Кизически. Фрагмент от икона с избрани светии. Русия. Московски Кремъл. XIX в.

Тези свети мъченици произхождали от различни градове. Събрали се заедно в Кизик, те не се уплашили от страшните царски заповеди, нито от мъченията и смъртта, и с ясен глас прославяли Христа, като дръзновено изповядвали, че Той е Истинският Бог, Творецът и Вседържителят на целия свят. Заедно с това изобличавали и порицавали нечестивото учение на езичниците идолопоклонници, които вместо Бога почитали бесовете, вместо да се покланят на Твореца на целия свят, се покланяли на творението, вместо на Живия Бог, покланяли се на бездушни идоли, вместо Истинския Бог почитали лъжливи богове, вместо любов към Милосърдния Бог, Който дава на хората всякакви блага, принасяли жертви на жестокосърдечните бесове, които измъчват човеците. Затова тези свети мъже увещавали заслепените от неверие езичници да изоставят заблудите си и да опознаят истината, та просветени от светлината на християнското учение, да повярват в Единия Истински Бог, Който пребивава на небесата, Бога, Който държи в Своята власт цялата вселена.

Като научили за дръзновената проповед на светиите, нечестивите служители на дявола ги заловили немилосърдно, както вълци овците, и като ги завързали, ги изправили на разпит пред началника на града като някакви злодеи.

image image      

Св. Теостих​ и св. Артема Кизически. Фрагмент от икона с избрани светии. Русия. Московски Кремъл. XIX в.

Светите Христови воини мъжествено застанали пред нечестивия съдия. Сърцата им били възпламенени от огъня на любовта към Бога и от ревност за Неговата слава. Като се изправили пред мъчителите, те се облекли “във всеоръжието Божие”, та мъжествено да се противопоставят на нечестивия съдия, но предимно на княза на тъмнината, на борба срещу когото те сега излизали.

Нечестивият съдия ги предавал на различни мъчения и изпитания; неведнъж ги затварял в тъмницата, после отново ги извеждал и ги предавал на мъчения, като изисквал от тях да се отрекат от Христа и да принесат жертва на идолите. Но доблестните Христови воини в никакъв случай не се съгласявали да се отрекат от Христа, своя Господ и Бог; напротив, те започнали да говорят за суетата на идолопоклонничеството и обвинявали в безчестие и самия съдия. Вледствие на това след много други мъчения главите им били отсечени с меч. На това място били погребани и телата им.

Св. Магн​ Кизически св. Теодот Кизически Св. Тавмасий Кизически      

 Св. Магн​, св. Теодот, Св. Тавмасий Кизически. Фрагмент от икона с избрани светии. Русия. Московски Кремъл. XIX в.

Няколко години по-късно се възцарил Константин Велики, който, като приел свето кръщение, прекратил гонението срещу християните. Светлината на християнското благочестие сега се разляла по цялата вселена.

Тогава кизическите християни с благоговение извлекли от земята телата на светите мъченици, които се оказали нетленни, после ги положили в нови ковчези, построили храм в тяхна чест и с благоговение пренесли в него своето безценно съкровище.

От тези свети мощи се извършвали най-различни чудеса и изцеления: били изгонвани бесове, разслабени ставали здрави, страдащите от треска напълно се изцелявали от болестта си.

Така например един известен в града мъж, който страдал от отоци, се излекувал от болестта си, когато се докоснал с вяра до раклата със светите мощи. По същия начин всеки, от каквата и болест да страдал, щом се докоснел с вяра до ковчега на светите мъченици, веднага получавал изцеление.

Като виждали това, мнозина неверни се обръщали към Христа, така че скоро целият град повярвал в Христа. Идолите в езическите храмове се разрушавали и вместо тях се въздигали християнски храмове. Благочестието процъфтявало в град Кизик, по молитвите на светите девет мъченици, които почивали там.

Когато след смъртта на благочестивия цар Константин и на неговия син Констанций, царували доста продължително време, се възцарил нечестивият Юлиан Отстъпник, някои от елините езичници, които живеели в този град, се отправили при този император и направили донос срещу християните, че те са разрушили всичките им храмове и са разбили жертвениците им.

Като чул това, царят, макар и да заповядал да възстановят езическите храмове и идолите, не позволил да притесняват християните, които живеели в града, тъй като те били твърде много, а той се боял от народни бунтове. Но този нечестив император заповядал да затворят в тъмницата християнския епископ Елевсий. А когато се отправил на поход срещу персите и там загинал, епископ Елевсий бил освободен и в Кизик отново възсияла светлината на Христовата вяра. Този град се укрепявал и се утвърждавал като здрава стена поради усърдното застъпничество пред Бога на светите мъченици. Чрез техните молитви да получим и ние изцеление от нашите болести, както душевни, така и телесни, и да се удостоим също с благодат и милост от нашия Господ Иисус Христос. Амин.

 

Тропарь девяти мучеников Кизических

глас 8

Святии девяточисленнии мученицы,/ от различных градов во един лик совокупившеся манием Божественным,/ мужественно за Христа пострадасте, невидимаго врага победисте,/ зловерныя князи и мучители посрамисте вашим терпением,/ огнем же любве Божия разжизаеми,/ вещественно вас огнь мучащий в хлад преложисте,/ темже дадеся вам от Христа Бога благодать трясавичную исцеляти болезнь,/ от неяже и многовидных страстей// милостивно спасайте и нас предстательством вашим, молимся.

Кондак девяти мучеников Кизических

глас 2

Твердый и всесветлый лик мученик девяти,/ Трисолнечнаго Божества исповедницы,/ на судищи Тому начально взываху:/ кровь и души наша с телесы,/ яко непорочную жертву, приносим Тебе, Владыко,/ в лицех Небесных Твоих сопричти,// яко Бог Милостивый.

(Твърдият и всесветъл лик на Деветте мъченици, изповедници на Трислънчевото Божество, на съдилището зовяха: принасяме Ти кръвта си, душите и телата си, като непорочна жертва на Теб, Владико; присъедини ни към Твоите небесни ликове като милостив.)

 

В памет на преподобния наш отец Мемнон Чудотворец (II в.)

Св. преподобни Мемнон Чудотворец. Фреска от Панагия Асину. Никитари. Кипър. XII в.Св. преподобни Мемнон Чудотворец. Фреска от Панагия Асину. Никитари. Кипър. XII в.

Преподобният наш отец Мемнон от млад се посветил в служба на Бога и станал чисто жилище на Светия Дух, защото покорил плътта на духа, умъртвявайки телесните страсти с много тежки трудове. Свети Мемнон бил поставен за началник на монаси (игумен). Поради своето равноангелно житие той приел от Бога изобилен дар на чудотворство, изцелявал неизлечими болести, правел и много други чудеса. Така на едно сухо място по молитвите на светеца се появил извор на вода. Много често той спасявал от потъване кораби, настигнати от силно морско вълнение и вече потъващи. Прогонвал скакалците, които долитали в голямо множество в тази страна и изяждали всички плодове и треви. Вършел и много други преславни чудеса, заради което бил наречен чудотворец.

Така, като се подвизавал в продължение на много години в постничество и угодил на Бога с добродетелно житие, Мемнон отишъл, радвайки се, при Господа, Когото бил възлюбил от цялото си сърце.

Не само докато бил жив, но и след смъртта си светецът правел много най-различни чудеса, защото болните получавали изцеление от неговия гроб и само от призоваване на името му облаците от скакалци били прогонвани и всички коварства на нечистия дух се разрушавали. Така прославил Своя угодник Бог, славен чрез Своите светии навеки. Амин.

 

В този ден празнуваме и паметта на светите мъченици Диодор и дякон Родопиан, пострадали при Диоклетиан, в Афродисия Карийска.

 

image

 

 

МУ­ЧЕ­НИ­КИ ДИ­О­ДОР И РО­ДО­ПИ­АН ДИАКОН АФРОДИСИЙСКИЕ (КАРИЙСКИЕ) (284-305 г.)

Свя­тые му­че­ни­ки Ди­о­дор и Ро­до­пи­ан диа­кон по­стра­да­ли при им­пе­ра­то­ре Дио­кли­ти­ане (284–305) в Аф­ро­ди­сии Ка­рий­ской. За рас­про­стра­не­ние хри­сти­ан­ской ве­ры меж­ду языч­ни­ка­ми они бы­ли по­би­ты кам­ня­ми.

 

Минея. Апрель

Святы́х девяти́ му́чеников, и́же в Ки́зице, и преподо́бнаго Ме́мнона чудотво́рца

На Го́споди, воззва́х: стихи́ры му́чеников, глас 8.

Подо́бен: О, пресла́внаго чудесе́:

Му́ченицы Христо́вы прехва́льнии,/ одержа́щу иногда́/ е́ллинскому безу́мию/ и влеку́щу всех/ в беззако́нныя я́мы/ пути́ пра́ваго не оста́висте/ и безбо́жию не приложи́стеся,/ но пострада́сте нра́ва до́блестию/ и жизнь, мече́м умерщвле́ни, насле́довасте.

Фео́гния и Ру́фа, Антипа́тра,/ Феости́ха и Арте́му,/ Ма́гна и Феодо́та,/ сла́внаго Фавма́сия/ и Боже́ственнаго Филимо́на,/ страда́нии све́тло облиста́вшия/ и су́щия во тьме просвети́вшия,/ ве́рою почти́м/ и пе́сньми ублажи́м,/ свяще́нную сих пра́зднующе па́мять, веселя́щеся.

Цве́ти му́чеников кра́снии,/ полк свяще́нный,/ Богособра́нное совокупле́ние,/ Це́рковь изря́дная,/ сонм Богоизбра́нен,/ лик святы́й, собо́р блаже́нный,/ за Тро́ицу подви́гшеся,/ Сей моли́теся, Сию́ умоли́те о нас,/ я́ко да прии́мем грехо́в оставле́ние.

Ины стихи́ры преподо́бнаго, глас и подо́бен то́йже:

Преподо́бне Ме́мноне блаже́нне,/ предочи́стив ду́шу воздержа́нием,/ был еси́ чи́сто Ду́ха и красно́ оби́телище;/ те́мже лука́встия ду́хи отгоня́еши/ и неду́ги притека́ющим к тебе́/ исцеля́еши всегда́. / О нас, восхваля́ющих тя,/ Христу́ моли́ся.

Преподо́бне Ме́мноне сла́вне,/ облада́в страстьми́ душе́вными,/ нача́льник был еси́ мона́хов,/ к трудо́м помазу́я воздержа́ния усе́рдно сих,/ и́хже и предста́вил еси́ Всеви́дцу Сло́ву. / Пожи́в же житие́ блаже́нно и скве́рны неприме́сно,/ с ни́ми нас всегда́ помина́й,/ восхваля́ющих тя.

Преподо́бне Ме́мноне пребога́те,/ воды́ дре́вле исто́чник/ истещи́ сотвори́л еси́,/ в Госпо́дню хвалу́ и душа́м в снабде́ние. / От глубины́ мо́ря корабли́ спасл еси́,/ пру́жия вре́да моли́твами сохрани́л еси́,/ чудеса́ безме́рная соверша́еши всегда́. / О нас, восхваля́ющих тя,/ Христу́ моли́ся.

Сла́ва, и ны́не, пра́здника, или́ Богоро́дичен:

Плоть от крове́й Твои́х/ прие́м, Первове́чный Бог/ Тя Предста́тельницу показа́ челове́ком, Чи́стая,/ Те́мже изба́ви рабы́ Твоя́ от вся́кия беды́, и обстоя́ния,/ и се́тей лука́ваго врага́/ и сия́ния причасти́тися сподо́би избра́нных,/ вся сла́вящия и покланя́ющияся Тебе́.

Крестобогоро́дичен:

Тя ви́дящи, пригвожда́ема/ на Кресте́, Иису́се,/ и стра́сти прие́млюща во́лею,/ Де́ва и Ма́ти Твоя́, Влады́ко,/ увы́ Мне, – вопия́ше, – Ча́до Мое́ сла́дкое!/ ра́ны непра́ведно ка́ко терпи́ши,/ Врачу́, исцели́вый челове́ческое неможе́ние/ и от тли всех изба́вивый милосе́рдием Твои́м?

Тропа́рь му́ченикам, глас 8:

Святи́и девяточи́сленнии му́ченицы,/ от разли́чных градо́в во еди́н лик совокупи́вшеся ма́нием Боже́ственным,/ му́жественно за Христа́ пострада́сте,/ неви́димаго врага́ победи́сте,/ злове́рныя кня́зи и мучи́тели посрами́сте ва́шим терпе́нием,/ огне́м же любве́ Бо́жия разжиза́еми,/ веще́ственно вас огнь му́чащий в хлад преложи́сте,/ те́мже даде́ся вам от Христа́ Бо́га благода́ть/ тряса́вичную исцеля́ти боле́знь,/ от нея́же и многови́дных страсте́й,/ ми́лостивно спаса́йте и нас предста́тельством ва́шим, мо́лимся.

Кано́н му́чеников, глас 4.

Песнь 1

Ирмо́с: Триста́ты кре́пкия,/ рожде́йся от Де́вы,/ безстра́стия во глубине́ души́ трича́стное потопи́, молю́ся,/ да Тебе́, я́ко в тимпа́не,/ во умерщвле́нии телесе́ побе́дное воспою́ пе́ние.

Боже́ственными добро́тами наслажда́ющеся вкупе́,/ и пото́ка пи́щнаго напита́ющеся бога́тно,/ и прича́стием обожа́еми, му́ченицы венцено́сцы,/ вас блажа́щия от лю́тых бед изба́вите.

Я́коже со́лнечныя лучи́, возсия́вше, заря́ми тве́рдых по́двиг, страда́льцы,/ и чуде́с сия́нии вся просвеща́ете,/ страсте́й нощь решите́ и де́монов мрак разоря́ете.

Умерщвле́ни на земли́ я́звами боле́зней,/ к неболе́зненней жи́зни преидо́сте вку́пе, ю́нии многострада́льнии. / Те́мже то́чите исцеле́ния, вся́ку боле́знь облегча́юще/ Богоприя́тными моли́твами, пребога́тии.

Богоро́дичен: Родила́ еси́ Бо́га из чи́стых Твои́х крове́й,/ вопло́щшася па́че ума́ зра́ком и́же по нас, Ма́ти Пренепоро́чная. / Те́мже вси Тя, ро́дове родо́в, ублажа́ют, святы́х му́ченик утвержде́ние.

Ин кано́н преподо́бнаго, глас то́йже.

Песнь 1

Ирмо́с: Мо́ря чермну́ю пучи́ну/ невла́жными стопа́ми/ дре́вний пешеше́ствовав Изра́иль,/ крестообра́зныма Моисе́овыма рука́ма/ Амали́кову си́лу в пусты́ни победи́л есть.

Боже́ственною Пресвята́го Ду́ха блиста́яся благода́тию, светоно́сне Ме́мноне,/ и честно́е творя́щия твое́/ успе́ние све́тлою моли́твою твое́ю страсте́й мглу очи́сти.

Преподо́бне, твой крест взем, после́довал еси́ распе́ншемуся Сло́ву нас ра́ди/ и плотска́я движе́ния воздержа́нием, преподо́бне,/ и ни́зу лега́нием умертви́л еси́.

Поще́нием, и моли́твами, и слеза́ми Бо́гу соединя́яся,/ прия́л еси́ благода́ть от Него́ цели́ти неду́ги и отгони́ти ду́хи,/ Ме́мноне Богому́дре преблаже́нне.

Богоро́дичен: Обле́кся из Тебе́ Бог в челове́ка за бла́гость,/ сугу́б про́йде, Пресвята́я Чи́стая, де́йствы и естествы́. / Его́же моли́ всегда́ просвети́ти пою́щия Тя.

Песнь 3

Ирмо́с: Не му́дростию, и си́лою,/ и бога́тством хва́лимся,/ но Тобо́ю, О́тчею Ипоста́сною Му́дростию, Христе́:/ несть бо свят, па́че Тебе́,/ Человеколю́бче.

Ме́ртвым истука́нным пожре́ти ника́коже восхоте́вше,/ Поже́ршемуся нас ра́ди же́ртва жива́ принесо́стеся,/ о́троцы прекра́снии, святи́и му́ченицы.

Зако́ны Боже́ственными, укрепля́еми си́лою Ду́ха,/ беззако́ннующих сове́ты и ловле́ния низложи́сте/ и, зако́нне пострада́вше, сла́ву улучи́сте.

Да восхва́лится Арте́ма и Филимо́н, Феости́х и Магн,/ Руф сла́вный, и Антипа́тр, и Фавма́сий,/ Фео́гний и Феодо́т великоимени́тии.

Богоро́дичен: Ору́жия вся вра́жия ны́не до конца́ оскуде́ша,/ Тебе́ ро́ждшей Христа́, уя́звлена копие́м, Всенепоро́чная,/ о Не́мже му́ченицы, уязви́вшеся, пострада́ша.

Ин

Ирмо́с: Весели́тся о Тебе́/ Це́рковь Твоя́, Христе́, зову́щи:/ Ты моя́ кре́пость, Го́споди,/ и прибе́жище, и утвержде́ние.

Я́коже со́лнце на земли́, доброде́телей просвеще́нием просия́л еси́,/ всех ду́ши, преподо́бне, благода́тию просвеща́я духо́вною.

Желе́зом твоя́ чре́сла препоя́сана име́л еси́ страсте́й на умерщвле́ние,/ я́ве, преподо́бне Ме́мноне, оде́явся безстра́стием.

Человеколюби́в быв немощны́м,/ от Бо́га прия́л еси́ благода́ть мно́гу, преподо́бне,/ стра́сти цели́ти неисце́льныя.

Богоро́дичен: Сло́во Бо́жие в Твое́ нескве́рное чре́во всели́ся/ и земны́м, Пречи́стая, всяк грех отъя́ло есть.

Седа́лен, глас 1.

Подо́бен: Гроб Твой:

Лик светови́ден свяще́нных страда́лец, совокупле́ние красно́,/ Богособра́нен собо́р, девяточи́сленный соста́в,/ пострада́вше кре́пко, попра́вше вра́жие мучи́тельство/ и причто́стеся А́нгельским лико́м, Го́сподеви предстоите́.

Сла́ва, преподо́бнаго, глас 8.

Подо́бен: Прему́дрости:

Я́ко звезду́ тя вси светови́дну, доброде́тельми/ и чуде́с заря́ми мир просвеща́юща, восхваля́ем, блаже́нне:/ прича́стник бо Боже́ственныя све́тлости был еси́,/ и к сия́нию, Ме́мноне, преше́л еси́ незаходи́мому. / Те́мже светоно́сную и святу́ю па́мять твою́ почита́ем,/ всегда́ Спа́са сла́вяще, и ве́рно вопие́м ти:/ моли́ Христа́ Бо́га грехо́в оставле́ние пода́ти/ чту́щим любо́вию святу́ю па́мять твою́.

И ны́не, пра́здника, или́ Богоро́дичен:

В напа́сти многоплете́нныя впад от враг ви́димых и неви́димых,/ бу́рею одержи́м безчи́сленных согреше́ний мои́х,/ и я́ко к те́плому заступле́нию и покро́ву моему́, Чи́стая,/ ко приста́нищу притека́ю Твоея́ бла́гости. / Те́мже, Пречи́стая, из Тебе́ воплоще́нному безсе́менно/ моли́ся приле́жно о всех рабе́х Твои́х/ непреста́нно моля́щих Ти ся, Богоро́дице Пречи́стая,/ моля́щи Его́ при́сно, согреше́ний оставле́ние дарова́ти/ воспева́ющим досто́йно сла́ву Твою́.

Крестобогоро́дичен:

А́гнца, и Па́стыря, и Изба́вителя А́гница зря́щи на Кресте́,/ восклица́ше, пла́чущи, и, го́рько рыда́ющи, вопия́ше:/ мир у́бо ра́дуется, прие́мля Тобо́ю избавле́ние,/ утро́ба же Моя́ гори́т, зря́щи Твое́ распя́тие, е́же терпи́ши за милосе́рдие ми́лости. / Долготерпели́ве Го́споди, ми́лости бе́здно и исто́чниче неисчерпа́емый,/ умилосе́рдися и да́руй согреше́ний оставле́ние/ ве́рою пою́щим Боже́ственныя стра́сти Твоя́.

Песнь 4

Ирмо́с: Седя́й в сла́ве на престо́ле Божества́/ во о́блаце ле́гце,/ прии́де Иису́с Пребоже́ственный/ Нетле́нною Дла́нию и спасе́ зову́щия:/ сла́ва, Христе́, си́ле Твое́й.

Сожже́ния страда́льцы и Богожре́нная заколе́ния,/ приноше́ние соверше́нно, же́ртвы прия́тны,/ приведо́стеся во́лею поже́ршемуся и смерть умертви́вшему. / Те́мже вас ублажа́ем.

Чу́до вели́кое показу́юще, сля́ченныя испра́висте, страда́льцы, ру́ки,/ и во́днаго труда́ изба́висте прибе́гшаго с любо́вию к ра́це ва́шей,/ наро́чита му́жа иногда́, досточу́днии.

Да ублажа́тся досто́йно Арте́ма и Антипа́тр,/ Феости́х и Руф, Магн, и Филимо́н, и Фео́н,/ и Фео́гн с сла́вным Феодо́том, пострада́вший, зову́т:/ сла́ва, Христе́, си́ле Твое́й.

Богоро́дичен: И́же в не́дрех О́тчих неизрече́нно седя́й,/ на Твои́х объя́тиих седи́т, Де́во, я́ко Младе́нец,/ Его́же блаже́нную страсть вообража́юще, добропобе́днии о́троцы изво́лиша умре́ти.

Ин

Ирмо́с: Вознесе́на Тя ви́девши Це́рковь на Кресте́,/ Со́лнце Пра́ведное,/ ста в чи́не свое́м,/ досто́йно взыва́ющи:/ сла́ва си́ле Твое́й, Го́споди.

Струя́ми, преподо́бне, сле́зными твое́ се́рдце очи́стив,/ во́ды на безво́днем ме́сте истека́ти устро́ил еси́,/ Бо́гу тя просла́вльшу, Ме́мноне, я́ко Своего́ уго́дника.

Пресла́вным житие́м, я́ко звезда́, сия́я,/ свяще́нными чудесы́ твои́ми,/ друго́е ты не́бо показа́лся еси́, блаже́нне, ве́рою зову́щим:/ сла́ва си́ле Твое́й, Го́споди.

Зако́ном, преподо́бне, повину́яся Влады́чним, я́же под тобо́ю су́щия наста́вил еси́,/ упа́с, преподо́бне, многоусугу́бив же, я́ко раб послушли́в,/ Дарова́вшему тебе́ тала́нт.

Богоро́дичен: Привлече́нный ум мой, Богороди́тельнице, к сла́достем теле́сным/ Твои́м хода́тайством, молю́ся, утверди́,/ Я́же еди́на ро́ждшая Благода́вца Бо́га.

Песнь 5

Ирмо́с: Нечести́вии не у́зрят сла́вы Твоея́, Христе́,/ но мы Тя, Единоро́дне, Оте́ческия сла́вы сия́ние Божества́,/ от но́щи у́тренююще,/ воспева́ем Тя, Человеколю́бче.

Я́коже мы́сленное у́глие, вже́гше ум,/ попали́сте вои́стинну хвра́стную вся́ку пре́лесть, блаже́ннии,/ и запале́ние угаси́сте и́дольское росо́ю ве́ры.

Разделе́ния в телесе́х не име́сте мно́зех,/ за Неразде́льную пострада́ти, страда́льцы, Тро́ицу иду́ще,/ те́мже разруши́сте диа́вола ополче́ние вся́ко.

Воспева́ет чудеса́ ва́ша/ от лука́ваго легео́на разреши́выйся де́монска, му́ченицы Богови́днии,/ к честны́м ковче́гом ва́шим прише́дый со усе́рдием.

Богоро́дичен: Избавля́ющи яви́ся нас от бед и прегреше́ний,/ тлетво́рных страсте́й, и скорбе́й, и обстоя́ний,/ ве́рою пою́щия Тя, Богоро́дице, Присноде́во.

Ин

Ирмо́с: Ты, Го́споди, мой свет,/ в мир прише́л еси́,/ Свет Святы́й, обраща́яй из мра́чна неве́дения/ ве́рою воспева́ющий Тя.

Ум твой, чи́стыми воззре́нии к Бо́гу весь быв, Богоблаже́нне,/ плотски́х сласте́й яви́ся вы́шши.

Сый врач теле́с, пребога́те,/ отжени́ ско́тския душ боле́зни благода́тию Ду́ха.

Блаже́н еси́ ты, и добро́ тебе́ есть,/ побе́ждшу зло́бу вра́жию/ и стра́сти, преблаже́нне, умертви́вшу.

Богородичен: Родила́ еси́ Бо́га и Де́ва пребыла́ еси́, Богоневе́сто,/ сего́ ра́ди ублажа́ет Тя весь челове́ческий язы́к, ра́дуяся.

Песнь 6

Ирмо́с: Приидо́х во глубины́ морски́я,/ и потопи́ла мя есть бу́ря мно́гих грехо́в,/ но, я́ко Бог, из глубины́ возведи́ живо́т мой,/ Многоми́лостива.

Честна́ смерть яви́ся Боже́ственных страда́льцев пред Тобо́ю, Бо́же вся́ческих,/ и́хже ны́не почита́я, врачевство́ безме́здное боля́щим яви́л еси́.

Возвы́сивше ру́це и сердца́ высо́ким нра́вом к Вы́шнему мужеу́мно,/ лука́ваго возноше́ния, му́ченицы Богоно́сцы, низложи́сте.

Богоро́дичен: Я́коже стог, чре́во Твое́, Чи́стая, яви́ся,/ пшени́цу нося́щий безcме́ртия,/ всех ве́рных ду́ши пита́ющую и му́ченики просвеща́ющую.

Ин

Ирмо́с: Пожру́ Ти со гла́сом хвале́ния, Го́споди,/ Це́рковь вопие́т Ти,/ от бесо́вския кро́ве очи́щшися/ ра́ди ми́лости от ребр Твои́х/ исте́кшею кро́вию.

Еди́нем то́чию зва́нием пру́зи отгоня́ются и всяк вред де́монский:/ Бо́га бо, Ме́мноне, ве́лий уго́дник, позна́лся еси́,/ вельми́ тя, о́тче, просла́вльшаго.

Победи́в плотска́го наве́та мудрова́ние,/ Ду́ха благода́ть прия́л еси́ отгоня́ти неду́ги/ и боля́щия греха́ми цели́ти ду́ши, досточу́дне.

О, чу́до!/ Ка́ко от еди́наго то́кмо призыва́ния спаса́ются твоего́, пресла́вне Ме́мноне,/ ве́рнии пла́вающий, тебе́ ви́дяще приспева́юща и волн молву́ кротя́ща?

Богоро́дичен: Умертви́ пло́ти моея́, Де́во, мудрова́ние,/ Умертви́теля сме́рти и Жизнода́вца я́ко заче́нши/ и ро́ждши па́че сло́ва и смы́сла, Пречи́стая.

Конда́к, глас 2.

Подо́бен: Вы́шних ища́:

Тве́рдый и всесве́тлый лик му́ченик девяти́,/ Трисо́лнечнаго Божества́ испове́дницы,/ на суди́щи Тому́ нача́льно взыва́ху:/ кровь и ду́ши на́ша с телесы́,/ я́ко непоро́чную же́ртву, прино́сим Тебе́, Влады́ко,/ в ли́цех Небе́сных Твои́х сопричти́, я́ко Бог Ми́лостивый.

Песнь 7

Ирмос: Ю́ноши три в Вавило́не,/ веле́ние мучи́телево на бу́йство прело́жше,/ посреде́ пла́мене вопия́ху:/ благослове́н еси́, Го́споди, Бо́же оте́ц на́ших.

Иска́пают ва́ши тру́дове, му́ченицы, Боже́ственный струи́ исцеле́ний всегда́,/ боле́зней ре́ки изсуша́юще/ и скве́рну вся́ку отмыва́юще страсте́й, досточу́днии.

Ра́довахуся страстоте́рпцы, внегда́ скорбе́ти им, ра́достию неизглаго́ланною,/ поя́ху, усека́еми мече́м:/ благослове́н еси́, Го́споди, Бо́же оте́ц на́ших.

Тяготу́ неду́гов, стра́сти серде́чныя и боле́зни теле́сныя,/ вся́ку же находя́щую скорбь/ нам облегчи́те, сла́внии страда́льцы.

Богоро́дичен: Яви́вшися всем му́чеником, Чи́стая Ма́ти Бо́жия, держа́ва ве́лия,/ яви́лася еси́ челове́ком заступле́ние,/ Тя пою́щим всегда́ свяще́нными пе́сньми.

Ин

Ирмо́с: В пещи́ Авраа́мстии о́троцы перси́дстей,/ любо́вию благоче́стия па́че,/ не́жели пла́менем, опаля́еми, взыва́ху:/ благослове́н еси́ в хра́ме сла́вы Твоея́, Го́споди.

Сле́зными ту́чами страсте́й погаси́л еси́ пещь,/ ны́не же огне́м, блаже́нне, вои́стинну/ попаля́еши чуде́с твои́х ве́щный всегда́ неду́гов вред благода́тию.

Всеусе́рдно Творца́ твоего́, блаже́нне, возлюби́л еси́. / Те́мже пло́ти и ми́ра, Ме́мноне му́дре, взыва́я вне был еси́:/ благослове́н еси́ в хра́ме сла́вы Твоея́, Го́споди.

Я́коже дре́во, при исхо́дищих воздержа́ния, о́тче, насажде́н быв,/ возда́л еси́ плоды́ чуде́с де́йство, Ме́мноне пребога́те,/ во бла́го вре́мя изоби́луя.

От пруго́в вред прибы́вший уста́вил еси́/ повеле́нии Боже́ственными, Ме́мноне му́дре, ре́чными удави́в вода́ми,/ благослове́н еси́, Бо́же мой, – зовы́й, – возопи́л еси́.

Богоро́дичен: Бу́ри безме́рных согреше́ний, Отрокови́це, изба́ви мя,/ еди́на смире́нных по́мощь кре́пкая и прегреше́ний очище́ние:/ благослове́нна Ты в жена́х еси́, Всенепоро́чная Влады́чице.

Песнь 8

Ирмо́с: Изба́вителю всех, Всеси́льне,/ посреде́ пла́мене блаточе́ствовавшия, снизше́д, ороси́л еси́/ и научи́л еси́ пе́ти:/ вся дела́, благослови́те, по́йте Го́спода.

Ра́достную хвалу́ принесе́м/ вели́кия нам засту́пники, страстоте́рпцы му́ченики Пода́вшему, вопию́щим:/ вся дела́, благослови́те Госпо́дня Го́спода.

Укорени́вшеся на ка́мени ве́ры благоро́дне,/ я́коже ве́тви, му́ченицы, плоды́ нам страда́ния принесо́ша, ве́рою пою́щим:/ благослови́те, вся дела́ Госпо́дня, Го́спода.

Вра́чеве страсте́й великоимени́тии, души́ моея́ стра́сти исцели́те,/ и гее́нны изба́вите, и тьмы о́ныя кроме́шния,/ моля́ще Христа́ Бо́га на́шего.

Богоро́дичен: Законода́вца Христа́ родила́ еси́,/ зако́нно страда́вшия венча́вшаго, страстоте́рпцы му́ченики,/ Его́же моли́ зако́ном греха́ побежде́на мя, Отрокови́це, исцели́ти.

Ин

Ирмо́с: Ру́це распросте́р, Дании́л/ львов зия́ния в ро́ве затче́:/ о́гненную же си́лу угаси́ша,/ доброде́телию препоя́савшеся,/ благоче́стия рачи́тели о́троцы, взыва́юще:/ благослови́те, вся дела́ Госпо́дня, Го́спода.

Я́ко у́тро, просия́л еси́, я́ко звезда́,/ я́ко вели́кое со́лнце, Ме́мноне Богодухнове́нне,/ ду́ши просвети́л еси́ благода́тию наста́вника тя поста́вльшим изря́дна,/ и учи́теля свяще́нна, и наказа́теля чу́дна, вопию́ща:/ вся дела́, благослови́те Госпо́дня Го́спода.

Глубо́ку я́зву врагу́, ражда́ющу смерть, преблаже́нне, дал еси́,/ егда́ благода́тию Ду́ха смире́ну стяжа́л еси́ му́дрость,/ высокому́дрый того́ нрав в зе́млю смиря́я и се́ти душетле́нныя его́ попира́я.

Ви́дети сподо́бился еси́ та́мо блаже́нство, и наслажде́ние ве́чнующее, свя́те,/ и святы́х све́тлости, пожи́в житие́ до́бре,/ и ны́не вопие́ши ра́достно:/ благослови́те, вся дела́ Госпо́дня, Го́спода.

Ме́сто, безво́дное пре́жде, ны́не же во́дно,/ пропове́дует, преподо́бне, ко Го́споду ве́ру твою́/ и благода́ть чуде́с твои́х, я́же соверши́л еси́, вопия́ Пода́телю до́брых:/ благослови́те, вся дела́ Госпо́дня, Го́спода.

Богоро́дичен: Неду́говавшую тягото́ю лю́тых и пото́пльшуюся сми́ренную ду́шу мою,/ Богоблагода́тная Влады́чице, посеще́ния сподо́би/ и здра́ву до конца́ покажи́, зову́щую:/ благослови́те, вся дела́ Госпо́дня, Го́спода.

Песнь 9

Ирмо́с: Е́ва у́бо неду́гом преслуша́ния/ кля́тву всели́ла есть;/ Ты же, Де́во Богоро́дице,/ прозябе́нием чревоноше́ния ми́рови благослове́ние процвела́ еси́. / Тем Тя вси велича́ем.

Се отверзо́шася вам Небе́сная врата́, пострада́вшим, –/ рече́ Христо́с страстоте́рпцем:/ вни́дите и приими́те, ра́дующеся, воздая́ния боле́зней досто́йная,/ от ве́ка хра́брствовавшим.

Кра́сни в ра́нах теле́сных бы́сте и А́нгелом уподо́бистеся,/ ны́не же предстоите́ всех красоте́, ра́дующеся при́сно,/ прича́стием я́ве удобря́еми кра́сных, всечестни́и.

Ста́нем в дому́ Бо́жий, восхваля́юще Антипа́тра, Феости́ха же,/ Ру́фа и Филимо́на страда́ния, Боже́ственнаго Фавма́сия чудеса́,/ Ма́гна и Арте́ма, Фео́гния и Феодо́та непобе́дное.

День спасе́ния нам возсия́ святы́х торжество́,/ е́же соверша́юще моле́бно, вопие́м им с ве́рою:/ му́чеников светоза́рный ве́рше, всех сердца́ озари́те.

Богоро́дичен: Обле́кся из Тебе́ Царь в теле́сную багряни́цу,/ про́йде, весь красе́н, из утро́бы Твоея́, и вся враги́ победи́,/ и побе́ду страда́льцем подаде́, Чи́стая еди́на Присноде́во.

Ин

Ирмо́с: Ка́мень нерукосе́чный/ от несеко́мыя горы́, Тебе́, Де́во,/ краеуго́льный отсече́ся,/ Христо́с, совокупи́вый разстоя́щаяся естества́. / Тем, веселя́щеся, Тя, Богоро́дице, велича́ем.

Возмо́гл еси́, укрепля́емь, держа́вою Богонача́льною,/ Ме́мноне Богому́дре, всю вра́жию си́лу пребори́ти,/ те́мже вене́ц я́ко победоно́сец прие́м,/ о нас Христу́ моли́ся.

Я́коже от исто́чника, твоея́ ра́ки струи́ исцеле́ний истека́ют,/ боле́зни и скве́рны си́лою Боже́ственнаго Ду́ха очища́ют/ и напоя́ют, преподо́бне, помышле́ния чту́щих тя.

Днесь па́мять твоя́, о́тче, я́коже со́лнце, просвеща́ет всяк во́зраст и ра́зум:/ Све́та бо дела́, Ме́мноне, соверши́л еси́/ и к Све́ту незаходи́мому, ны́не отше́д, всели́лся еси́.

Взя́лся еси́ ко оби́телем ве́чным, Бо́га я́ко досто́йно зря,/ и к стадо́м преподо́бных приче́лся еси́, Ме́мноне блаже́нне,/ с ни́миже нас помина́й, на земли́ поми́нающих тя.

Богоро́дичен: Глас Ти вопие́м, Де́во, ра́достно Арха́нгелов:/ ра́дуйся, кля́твы разруше́ние, преподо́бных сла́во, му́чеников похвало́,/ пророко́в про́поведь и челове́ков спа́сение.

 

 ВИЖТЕ ОЩЕ

Отстъплението от вярата наречено "нов стил"

ЗА СЪКРАЩАВАНЕТО НА ЛИТУРГИИТЕ, ТАЙНСТВАТА И ТРЕБИТЕ В НОВОСТИЛНАТА ЦЪРКВА

ЗА ПРЕМАХВАНЕТО НА ОГЛАШЕНИЕТО

ЗАЩО БОГ НИ ИЗОСТАВИ

ЗА КОРЕНА НА ЗЛОТО, ЗА НАЧАЛОТО НА ОТСТЪПЛЕНИЕТО НА РОДНАТА НИ „ЦЪРКВА“, ЗА БЪЛГАРСКАТА СХИЗМА

Театърът на антихриста

ИСТИНАТА ЗА НАШИЯ НАРОД

Християнството на българите и техните владетели

ИДЕЯТА "ПРАВОСЛАВНИ БУДИТЕЛИ"

Православна ли е демокрацията

Народе, народе...

Защо се премахва вероучението

За старостилния икуменизъм

КОЙ СТОИ ЗАД ОТСТЪПЛЕНИЕТО

ДИСЕКЦИЯ НА ЧОВЕКООМРАЗАТА

ПАСТИРСКО ОКРЪЖНО ПОСЛАНИЕ ПРОТИВ МАСОНСТВОТО

Против юдомасонството

Изповедание на вярата

КЪДЕ СЕ Е СЪХРАНИЛО ПРАВОСЛАВИЕТО

 

 ↑